Reikningsnúmer:
Verkefni erlendis:
0334-26-50886
Verkefni innanlands:
0334-26-27
kt. 450670-0499
Söfnunarsímar
907 2002
hjálp heima, 2500 kr.
907 2003
hjálp erlendis, 2500 kr.
viltukaupagjafabref
Fyrir vefsíðuna
Viltu senda
minningarkort?

Minningarkort

Með því að smella hér getur þú keypt minningarkort og fyllt út eyðublað með öllum upplýsingum sem eiga að fara í kortið. Um leið og þú tjáir hug þinn með korti frá okkur og heiðrar minningu vina og skyldmenna styrkir þú þá sem minna mega sín.

Á forsíðu minningarkortsins er áletrunin „Samúðarkveðjur.“ Á vinstri innsíðu er áletraður sálmurinn Hann veitir kraft hinum þreytta og gnógan styrk hinum þróttlausa (Jes.40.29.). Á hægri innsíðu kortsins getur þú valið um að hafa staðlaðan texta sem er svohljóðandi:

Til minningar um (nafn hins látna) hefur Hjálparstarfi kirkjunnar verið færð gjöf.

Með innilegri samúð og kærri kveðju, (nöfn sendenda).

Viljir þú hins vegar orða kveðjuna á annan veg getur þú gert það. Þegar þú hefur keypt kort á vefsíðu okkar sendum við það fyrir þig. Þú getur valið að fá sendan gíróseðil fyrir kortinu eða látið skuldfæra gjöf þína á greiðslukort. Þú getur einnig hringt til okkar í síma 528 4400, viljir þú það frekar, og við göngum frá málinu í gegnum síma. Lágmarksupphæð fyrir hvert kort er 1.500 kr.

Sálmurinn í minningarkortum Hjálparstarfsins:
Hann veitir kraft hinum þreytta og gnógan styrk hinum þróttlausa. (Jes.40.29.)

Það húmar, nóttin hljóð og köld
í hjarta þínu tekur völd,
þar fölnar allt við frostið kalt,
-en mest er miskunn Guðs.

Er frostið býður faðminn sinn,
þér finnst þú stundum, vinur minn,
sem veikur reyr, er megni´ei meir,
-en mest er miskunn Guðs.

En vit þú það, sem þreyttur er,
og þú sem djúpur harmur sker,
þótt hrynji tár og svíði sár,
að mest er miskunn Guðs.

Og syng þú hverja sorgarstund
þann söng um ást, þótt blæði und,
og allt sé misst, þá áttu Krist.
Því mest er miskunn Guðs.

Sigurður Einarsson