Reikningsnúmer:
Verkefni erlendis:
0334-26-50886
Verkefni innanlands:
0334-26-27
kt. 450670-0499
Söfnunarsímar
907 2002
hjálp heima, 2500 kr.
907 2003
hjálp erlendis, 2500 kr.
viltukaupagjafabref
Fyrir vefsíðuna
Viltu senda
minningarkort?
Pollasjóður - nýtt gjafabréf á gjofsemgefur.is 20.05.2014

Nú er komið nýtt gjafabréf á gjafabréfasíðuna okkar www.gjofsemgefur.is. Gjafabréfið heitir Pollasjóður en nú í maí setti Heiðar í Pollapönki Eurovisiongítarinn sinn á uppboð. Feðgarnir Einar Guðjónsson og Guðjón Einarsson keyptu gítarinn og lögðu þar með til stofnfé í Pollasjóð. Úr sjóðnum fá börn efnalítilla foreldra styrk og þar með tækifæri til að láta draum sinn rætast og stunda tónlistarnám.

Nú er sem sagt hægt að gleðja fjölskyldu og vini með góðri gjöf og veita um leið tónlistarfólki framtíðarinnar ómetanlegan stuðning. Gjafabréfið kostar 3.000 krónur.

Hjálparstarf kirkjunnar stofnaði Pollasjóð og eyrnamerkti hann tónlistarnámi barna efnalítilla foreldra. Stofnfé sjóðsins, 320 þúsund krónur, er sú upphæð sem feðgarnir Guðjón „Mustaine“ og Einar Guðjónsson sjómenn á Tjaldi SH-270 frá Rifi greiddu fyrir gítarinn. Gjafabréfin Pollasjóður fást á vefsíðunni www.gjofsemgefur.is en andviðri gjafabréfanna mun renna í sjóðinn. 

Í hverjum mánuði leita um 200 barnafjölskyldur sem búa við sára fátækt til Hjálparstarfs kirkjunnar. Hjálparstarfið veitir þeim efnislegan stuðning án tillits til trúar, þjóðernis, litarháttar, kyns eða skoðana. Markmið með Pollasjóði er að veita börnum efnalítilla foreldra tækifæri til tónlistarnáms og draga þar með úr félagslegri einungrun og styrkja sjálfsmynd barnanna

Til baka