Reikningsnúmer:
Verkefni erlendis:
0334-26-50886
Verkefni innanlands:
0334-26-27
kt. 450670-0499
Söfnunarsímar
907 2002
hjálp heima, 2500 kr.
907 2003
hjálp erlendis, 2500 kr.
viltukaupagjafabref
Fyrir vefsíðuna
Viltu senda
minningarkort?
Á sautjándu milljón króna til hjálparstarfs í Sýrlandi 03.02.2014
Sérfræðingar í áfallahjálp hjálpa sýrlenskum börnum við að vinna úr erfiðum tilfinningum og nota til þess söng og leik og jafnvel andlitsmálningu. 2.300 börn og fullorðnir hafa notið sálræns stuðnings systursamtaka Hjálparstarfsins í Sýrlandi frá því verkefnið hófst í mars 2012. Mynd: Jennifer Romanos/IOCC

Hjálparstarf kirkjunnar hefur sent 16,6 milljónir króna til neyðaraðstoðar við stríðshrjáða í Sýrlandi. Framlaginu verður varið til aðstoðar við heimilislaust fólk á vergangi í eigin landi og flóttafólk í nágrannalöndum Sýrlands. Markmið verkefnisins er að sinna grunnþörfum íbúanna með því að veita þeim matarðstoð og aðstoð við að halda heimili, tryggja þeim aðgang að heilsugæslu, halda úti skólastarfi fyrir börn og síðast en ekki síst með því að veita börnum og unglingum sálrænan stuðning. Ungu flóttafólki frá Sýrlandi sem dvelur í búðum og ungu fólki frá móttökuþjóðum er þannig hjálpað til að takast á við aðstæður á jákvæðan hátt en þannig er leitast við að draga úr neikvæðum áhrifum stríðsástandsins á umhverfið.

Talið er að 33% sýrlensku þjóðarinnar eða 6,8 milljónir þurfi neyðaraðstoð. Verðbólga og hátt verðlag gerir fátækum mjög erfitt fyrir að afla nauðþurfta og heilsugæsla er í lamasessi. 4,2 milljónir Sýrlendinga eru á vergangi, búa mjög þétt með öðrum t.d. í skólum eða moskum, eða sér, í skemmdum eða ónýtum húsum og hafa orðið að skilja allar eigur eftir við flóttann. 1,8 milljónir landsmanna eru skráðir flóttamenn í nágrannlöndum. Talið er að um 200.000 manns séu óskráðir og teljast þeir til þeirra verst settu. Skólaganga er lítil og stopul hjá öllum börnum á átaksvæðum og þar sem flóttafólk er margt.

Utanríkisráðuneytið veitti 15 milljóna króna styrk og Hjálparstarfið ráðstafaði 1,6 milljónum króna af söfnunarfé til verkefnisins sem nær til 198.715 manns. Það eru systursamtök Hjálparstarfs kirkjunnar, International Orthodox Christian Charities (IOCC), sem stýra verkefninu á vettvangi en því lýkur í ágúst 2014.

Til baka