Reikningsnúmer:
Verkefni erlendis:
0334-26-50886
Verkefni innanlands:
0334-26-27
kt. 450670-0499
Söfnunarsímar
907 2002
hjálp heima, 2500 kr.
907 2003
hjálp erlendis, 2500 kr.
viltukaupagjafabref
Fyrir vefsíðuna
Viltu senda
minningarkort?
Nýr liðsmaður Hjálparstarfsins 08.01.2014

Kristín Ólafsdóttir hefur hafið störf sem fræðslu- og upplýsingafulltrúi Hjálparstarfs kirkjunnar. Kristín starfaði áður sem sendifulltrúi og síðar verkefnisstjóri hjá Rauða krossinum á Íslandi. Hún tekur við starfinu af Bjarna Gíslasyni sem nú gegnir starfi framkvæmdastjóra Hjálparstarfsins.

Sem sendifulltrúi heimsótti Kristín stríðsfanga og almenning í fangabúðum í Rúanda og Eritreu og hafði þar samskipti við yfirvöld um meðferð og aðbúnað fanga og almennings. Hún starfaði sem fræðslu- og upplýsingafulltrúi Alþjóðaráðs Rauða krossins í Nígeru áður en hún hóf störf á landskrifstofu Rauða krossins á Íslandi en þar starfaði hún í 8 ár sem verkefnisstjóri sendifulltrúa. Kristín starfaði sem dagskrárgerðarkona á RÚV árið 1998 og sem þýðandi og blaðafulltrúi franska sendiráðsins á Íslandi frá 1993 - 1997. Hún er með BA próf í frönsku og stjórnmálafræði og diplómu í hagnýtri fjölmiðlun.   

Kristín tók við keflinu af Bjarna Gíslasyni sem nú gegnir stöðu framkvæmdastjóra Hjálparstarfsins. Á skrifstofu stofnunarinnar starfa auk þeirra Atli Geir Hafliðason sem hefur umsjón með fatalager, sjálfboðaliðum, sölu friðarlljósa o.fl., Áslaug Arndal fulltrúi sem hefur umsjón með skrifstofurekstri, fósturbörnum, styrktarmanakerfi o.fl., Vilborg Oddsdóttir féagsráðgjafi sem hefur umsjón með innanlandsaðstoð og Sædís Arnardóttir félagsráðgjafi sem starfar í hlutastarfi að innanlandsaðstoð.

Til baka