Reikningsnúmer:
Verkefni erlendis:
0334-26-50886
Verkefni innanlands:
0334-26-27
kt. 450670-0499
Söfnunarsímar
907 2002
hjálp heima, 2500 kr.
907 2003
hjálp erlendis, 2500 kr.
viltukaupagjafabref
Fyrir vefsíðuna
Viltu senda
minningarkort?
Um 1.000 umsóknir um jólaaðstoð afgreiddar 22.12.2011

Um 1000 umsóknir hafa verið afgreiddar í jólaaðstoð Hjálparstarfs kirkjunnar nú í desember.  Ætla má að um 2.800 einstaklingar um allt land njóti góðs af. Markhópurinn var einstaklingar og barnafjölskyldur um allt land nema í Reykjavík, þar sem fleiri hjálparsamtök starfa, þar aðstoðuðum við barnafjölskyldur með mat. Afhent voru ný inneignarkort í matvöruverslunum og lagt inn á eldri kort og fór upphæð eftir fjölskyldustærð og fjárhagsstöðu.

Fjöldi sjálfboðaliða og mikið um framlög
Jólaaðstoðin gekk mjög vel enda lögðu margir sjálfboðaliðar lið. Einstaklingar, fyrirtæki og samtök hafa lagt fram fjármagn til jólaaðstoðarinnar og þökkum við þann góða stuðning.

Samstarf við önnur hjálparsamtök
Hjálparstarfið á gott samstarf við Rauða krossinn í Reykjavík sem hefur lagt lið með fjármunum og sjálfboðaliðum. Einnig höfðu Hjálparstarfið, mæðrastyrksnefndir og Rauða kross-deildir í Reykjavík, Hafnarfirði, Kópavogi, Garðabæ og Mosfellsbæ sameiginlega skráningu umsækjenda sem skipti miklu máli til að nýta aðstoðina sem best og ná til allra sem þurfa hjálp. Hjálparstarfið og ofangreind samtök hafa þannig afgreitt um 1.400 jólaumsóknir samtals.

Til baka