Reikningsnúmer:
Verkefni erlendis:
0334-26-50886
Verkefni innanlands:
0334-26-27
kt. 450670-0499
Söfnunarsímar
907 2002
hjálp heima, 2500 kr.
907 2003
hjálp erlendis, 2500 kr.
viltukaupagjafabref
Fyrir vefsíðuna
Viltu senda
minningarkort?

Jólaaðstoð Hjálparstarfs kirkjunnar og samstarfsaðila

Í desember ár hvert aðstoðar Hjálparstarf kirkjunnar efnalítið fólk svo það geti gert sér dagamun yfir hátíðirnar. Aðstoðin tekur mið af aðstæðum hvers og eins og er fyrst og fremst í formi inneignarkorta í matvöruverslunum sem í ár verða gefin út eigi síðar en 19. desember. Barnafjölskyldum sem búa við kröpp kjör býðst auk þess að fá jólafatnað og jóla- og skógjafir fyrir börnin.

Umsóknarfrestur um jólaaðstoð er til og með 8. desember 2017.

  • Tekið er á móti umsóknum frá barnafjölskyldum í Reykjavík á skrifstofu Hjálparstarfsins, Háaleitisbraut 66, neðri hæð, dagana 4., 5. og 6. desember kl. 11-14. Athugið að gögn sem sýna tekjur og útgjöld síðasta mánaðar skulu fylgja með umsókn.
  • Þær fjölskyldur sem hafa fengið inneignarkort í matvöruverslunum frá Hjálparstarfinu á árinu 2017 geta fyllt út umsóknareyðublað á www.help.is.
  • Þar sem Hjálparstarfið aðstoðar aðeins barnafjölskyldur í Reykjavík er fullorðnum einstaklingum sem ekki hafa börn á framfæri bent á að hægt er að leita til annarra hjálparsamtaka um aðstoð.
  • Mæðrastyrksnefnd Hafnarfjarðar aðstoðar fjölskyldur jafnt sem einstaklinga með lögheimili í sveitarfélaginu dagana 20. og 21. nóvember milli klukkan 16:00 og 18:00.
  • Í Kópavogi aðstoðar Mæðrastyrksnefnd Kópavogs fjölskyldur og einstaklinga í fjárhagslegum vanda dagana 21. Nóvember, 28. nóvember og 5. desember milli klukkan 15:00 og 18:00.
  • Á Suðurnesjum verður tekið á móti umsóknum til Velferðasjóðs Suðurnesja og Hjálparstarfs kirkjunnar í Keflavíkurkirkju 28. og 30. nóvember og 5., 7. og 12. desember klukkan 9:00-12:00.
  • Á Eyjafjarðarsvæðinu hafa Hjálparstarf kirkjunnar, Mæðrastyrksnefnd, Rauði krossinn og Hjálpræðisherinn á Akureyri með sér samstarf um aðstoð. Sótt er um í síma 570 4090 alla virka daga frá 23. nóvember til 1. desember milli 10:00 og 12:00 
  • Í Árnessýslu hefur Hjálparstarfið samstarf um jólaaðstoð við Rauða krossinn og kvenfélögin. Tekið er á móti umsóknum 28. og 29. nóvember milli kl 12:00 pg 14:00 og þann 4. desember milli klukkan 16:00 og 18:00 í Selinu við Engjaveg á Selfossi og hjá sóknarprestum.
  • Annars staðar á landinu taka prestar í heimasókn við umsóknum um aðstoð frá einstaklingum jafnt sem fjölskyldufólki til og með 8. desember.